hum zulm-o-sitam chahen hum jaur-o-jafa mangen

ham zulm-o-sitam chāheñ ham jaur-o-jafā māñgeñ

ab is ke sivā tujh se māñgeñ bhī to kyā māñgeñ

tū ḳhuub jafā.eñ kar tū ḳhuub sazā.eñ de

ham apnī vafāoñ kā itnā hī sila māñgeñ

dil kaañp uThā apnā surḳhī se bahāroñ kī

ham barg-e-hinā se ab kyā rang-e-hinā māñgeñ

is be-ḳhudī-e-dil kā pūchhe na koī 'ālam

ham us ke hī kūche meñ aur us kā patā māñgeñ

koī kisī insāñ pe phir jabr na kar paa.e

duniyā meñ 'hayāt' aisī ham āb-o-havā māñgeñ

hum zulm-o-sitam chahen hum jaur-o-jafa mangen

ab is ke siwa tujh se mangen bhi to kya mangen

tu KHub jafaen kar tu KHub sazaen de

hum apni wafaon ka itna hi sila mangen

dil kanp uTha apna surKHi se bahaaron ki

hum barg-e-hina se ab kya rang-e-hina mangen

is be-KHudi-e-dil ka puchhe na koi 'alam

hum us ke hi kuche mein aur us ka pata mangen

koi kisi insan pe phir jabr na kar pae

duniya mein 'hayat' aisi hum aab-o-hawa mangen