hama-tan-gosh hai wo shahid-e-zeba-e-ghazal

hama-tan-gosh hai vo shāhid-e-zebā-e-ġhazal

hai sukūt-e-azalī husn-e-taqāzā-e-ġhazal

nāla-e-nīm-shabī sham'-e-guzargāh-e-habīb

dīda-e-ashk-fishāñ manzil-e-salmā-e-ġhazal

chashm-e-sāqī kā ‘atiyya hai ye sarmastī-e-shauq

chashm-e-sāqī se 'ibārat hai ye mīnā-e-ġhazal

tujh se kahtā huuñ ye ai ḳhalvatī-e-husn-e-ḳhayāl

hai tire ḳhvāb kī tā'bīr zuleḳhā-e-ġhazal

saiñkaḌoñ najd haiñ be-tāb qadam-bosī ko

kis kī jānib hai ravāñ mahmil-e-lailā-e-ġhazal

lāla-o-gul mah-o-anjum ke jahāñ se aage

duur pahuñchī haiñ nigāheñ ba-taqāzā-e-ġhazal

hai har ik lamha fuzūñ vaqt kī raftār ke saath

kahīñ mahdūd nahīñ nashsha-e-sahbā-e-ġhazal

hama-tan-gosh hai wo shahid-e-zeba-e-ghazal

hai sukut-e-azali husn-e-taqaza-e-ghazal

nala-e-nim-shabi sham'-e-guzargah-e-habib

dida-e-ashk-fishan manzil-e-salma-e-ghazal

chashm-e-saqi ka ‘atiyya hai ye sarmasti-e-shauq

chashm-e-saqi se 'ibarat hai ye mina-e-ghazal

tujh se kahta hun ye ai KHalwati-e-husn-e-KHayal

hai tere KHwab ki ta'bir zuleKHa-e-ghazal

sainkaDon najd hain be-tab qadam-bosi ko

kis ki jaanib hai rawan mahmil-e-laila-e-ghazal

lala-o-gul mah-o-anjum ke jahan se aage

dur pahunchi hain nigahen ba-taqaza-e-ghazal

hai har ek lamha fuzun waqt ki raftar ke sath

kahin mahdud nahin nashsha-e-sahba-e-ghazal