ہمارا آئنہ بے کار ہو گیا تو پھر!
ہمارا آئنہ بے کار ہو گیا تو پھر!
تمہارا حسن طرحدار ہو گیا تو پھر!
ملا کے خاک میں وہ سوچتا رہا برسوں
میں آئنے میں نمودار ہو گیا تو پھر!
رکاوٹیں تو سفر کا جواز ہوتی ہیں
یہ راستہ کہیں ہموار ہو گیا تو پھر!
وہ ماہتاب ہے، میں جھیل اور سفر درپیش
وہ مجھ سے ہوتا ہوا پار ہو گیا تو پھر!
تمام شہر نے لوٹا دیا ہے خالی ہاتھ
اور اس کے در سے بھی انکار ہو گیا تو پھر!
تو کیوں نہ راستہ تبدیل کر لیا جائے
کہیں جو مجھ سے تمہیں پیار ہو گیا تو پھر!
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
