hamara azm-e-safar kab kidhar ka ho jae
hamārā azm-e-safar kab kidhar kā ho jaa.e
ye vo nahīñ jo kisī rahguzar kā ho jaa.e
usī ko jiine kā haq hai jo is zamāne meñ
idhar kā lagtā rahe aur udhar kā ho jaa.e
khulī havāoñ meñ uḌnā to us kī fitrat hai
parinda kyuuñ kisī shāḳh-e-shajar kā ho jaa.e
maiñ laakh chāhūñ magar ho to ye nahīñ saktā
ki terā chehrā mirī hī nazar kā ho jaa.e
mirā na hone se kyā farq us ko paḌnā hai
pata chale jo kisī kam-nazar kā ho jaa.e
'vasīm' sub.h kī tanhā.i-e-safar socho
mushā.era to chalo raat bhar kā ho jaa.e
hamara azm-e-safar kab kidhar ka ho jae
ye wo nahin jo kisi rahguzar ka ho jae
usi ko jine ka haq hai jo is zamane mein
idhar ka lagta rahe aur udhar ka ho jae
khuli hawaon mein uDna to us ki fitrat hai
parinda kyun kisi shaKH-e-shajar ka ho jae
main lakh chahun magar ho to ye nahin sakta
ki tera chehra meri hi nazar ka ho jae
mera na hone se kya farq us ko paDna hai
pata chale jo kisi kam-nazar ka ho jae
'wasim' subh ki tanhai-e-safar socho
mushaera to chalo raat bhar ka ho jae
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
