ہمارا دل ہی دریا کی اگر منجدھار ہو جائے

ہمارا دل ہی دریا کی اگر منجدھار ہو جائے

تو کشتی خواہشوں کی ڈوب کر بھی پار ہو جائے

ملے کھل کر سبھی سے اور پھر بیزار ہو جائے

تو جینا ایسے دل کے ساتھ اک آزار ہو جائے

ہمیں رات اور دن کی کشمکش اچھی نہیں لگتی

اگر یہ بھی نہ ہو تو زندگی بے کار ہو جائے

خموشی اس طرح طاری ہے اپنی بستیوں میں اب

کہ اک پتے کی جنبش پیڑ کی گفتار ہو جائے

امیر شہر کی نیندیں نہ اڑ جائیں تو تم کہنا

تمہارا ایک بھی سپنا اگر بیدار ہو جائے

سبھی سے اتنی لیکن قربتیں وہ چاہتا کیوں ہے

کہ کوئی سامنے آئے تو بس تکرار ہو جائے

کسی کی رہبری ببیاکؔ ہم سے کس طرح ہوگی

نہ جانے کب ہماری فکر خود مختار ہو جائے