hamara Dubna mushkil nahin tha
hamārā Dūbnā mushkil nahīñ thā
nazar meñ duur tak sāhil nahīñ thā
kahāñ thā guftugū karte hue vo
vo thā bhī to sar-e-mahfil nahīñ thā
maiñ us ko sab se behtar jāntā huuñ
jise merā pata hāsil nahīñ thā
zamāne se alag thī merī duniyā
maiñ us kī dauḌ meñ shāmil nahīñ thā
vo patthar bhī thā kitnā ḳhūb-sūrat
jo ā.īna thā lekin dil nahīñ thā
ham us dhartī ke bāshinde the 'tābish'
ki jis kā koī mustaqbil nahīñ thā
hamara Dubna mushkil nahin tha
nazar mein dur tak sahil nahin tha
kahan tha guftugu karte hue wo
wo tha bhi to sar-e-mahfil nahin tha
main us ko sab se behtar jaanta hun
jise mera pata hasil nahin tha
zamane se alag thi meri duniya
main us ki dauD mein shamil nahin tha
wo patthar bhi tha kitna KHub-surat
jo aaina tha lekin dil nahin tha
hum us dharti ke bashinde the 'tabish'
ki jis ka koi mustaqbil nahin tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
