hamara tair-e-dil kab hamare bas mein hai

hamārā tā.ir-e-dil kab hamāre bas meñ hai

rihā.ī meñ use taklīf ḳhush qafas meñ hai

baḌhūñ agar to kisī tak mirī rasā.ī na ho

rukūñ to yuuñ lage vo merī dastaras meñ hai

kise kise ye batā.ūñ tire ta.alluq se

kuchh imtiyāz mohabbat meñ aur havas meñ hai

kashāñ kashāñ hai ravāna mirā musāfir-e-dil

tirī latīf sadā naġhma-e-jaras meñ hai

tamām umr rahā hai gumān lamha-e-vasl

bas is baras meñ hai shāyad ye us baras meñ hai

mujhe to dil ke qadam tere paas le aa.e

vagarna zehn ba-dastūr pesh-o-pas meñ hai

hai ik hasīn kā atiya ye kaifiyat 'shaukat'

jo ang-ang meñ hai jo nafas-nafas meñ hai

hamara tair-e-dil kab hamare bas mein hai

rihai mein use taklif KHush qafas mein hai

baDhun agar to kisi tak meri rasai na ho

rukun to yun lage wo meri dastaras mein hai

kise kise ye bataun tere talluq se

kuchh imtiyaz mohabbat mein aur hawas mein hai

kashan kashan hai rawana mera musafir-e-dil

teri latif sada naghma-e-jaras mein hai

tamam umr raha hai guman lamha-e-wasl

bas is baras mein hai shayad ye us baras mein hai

mujhe to dil ke qadam tere pas le aae

wagarna zehn ba-dastur pesh-o-pas mein hai

hai ek hasin ka atiya ye kaifiyat 'shaukat'

jo ang-ang mein hai jo nafas-nafas mein hai