hamare apne hamein sharmsar karne lage

hamāre apne hameñ sharmsār karne lage

hameñ ḳhabar bhī nahīñ ham se pyaar karne lage

vafā hai aap kī jhūTī ye maanā ham ne magar

baġhair soche hī ham e'tibār karne lage

bechāra dil bhī thā majbūr aur kyā kartā

tire ḳhayāl use be-qarār karne lage

zarā sī guftugū ham ne bhī un se kyā kar lī

vo rishta ek nayā iḳhtiyār karne lage

huā hai aane kī un kī ḳhabar kā yuuñ jaadū

ki ham bhī un kā bahut intizār karne lage

hamare apne hamein sharmsar karne lage

hamein KHabar bhi nahin hum se pyar karne lage

wafa hai aap ki jhuTi ye mana hum ne magar

baghair soche hi hum e'tibar karne lage

bechaara dil bhi tha majbur aur kya karta

tere KHayal use be-qarar karne lage

zara si guftugu hum ne bhi un se kya kar li

wo rishta ek naya iKHtiyar karne lage

hua hai aane ki un ki KHabar ka yun jadu

ki hum bhi un ka bahut intizar karne lage