hamare bachne ki logo sabil koi nahin

hamāre bachne kī logo sabīl koī nahīñ

tamām shahr hai munsif vakīl koī nahīñ

nahīñ hai yaad masāfat kā kuchh hisāb mujhe

rah-e-talab meñ mirī sañg-e-mīl koī nahīñ

use yaqīn ki vo kā.enāt meñ tanhā

mujhe ye zo.am ki merī masīl koī nahīñ

nahīñ hai koī zamānat mire tahaffuz kī

huuñ aisā qil.a ki jis kī fasīl koī nahīñ

ye aur kaun hathelī pe jaañ liye niklā

ḳhabar to ye thī mirā ham-qabīl koī nahīñ

banī ho shakl har ik jaise mun.akis ho kar

mile haiñ aks nazar ko asiil koī nahīñ

ḳhizāñ meñ kaise ho sairāb fasl-e-dil merī

zamīn-e-misr huuñ aur merā niil koī nahīñ

be-āb-o-rañg manāzir kī is masāfat meñ

nazar kī pyaas bujhāne ko jhiil koī nahīñ

yahī junūñ mire jazbāt kī gavāhī hai

ki mere paas ḳhirad kī dalīl koī nahīñ

hamare bachne ki logo sabil koi nahin

tamam shahr hai munsif wakil koi nahin

nahin hai yaad masafat ka kuchh hisab mujhe

rah-e-talab mein meri sang-e-mil koi nahin

use yaqin ki wo kaenat mein tanha

mujhe ye zoam ki meri masil koi nahin

nahin hai koi zamanat mere tahaffuz ki

hun aisa qila ki jis ki fasil koi nahin

ye aur kaun hatheli pe jaan liye nikla

KHabar to ye thi mera ham-qabil koi nahin

bani ho shakl har ek jaise munakis ho kar

mile hain aks nazar ko asil koi nahin

KHizan mein kaise ho sairab fasl-e-dil meri

zamin-e-misr hun aur mera nil koi nahin

be-ab-o-rang manazir ki is masafat mein

nazar ki pyas bujhane ko jhil koi nahin

yahi junun mere jazbaat ki gawahi hai

ki mere pas KHirad ki dalil koi nahin