hamare darmiyan jo fasle hain

hamāre darmiyāñ jo fāsle haiñ

ye bas kuchh hī dinoñ ke silsile haiñ

hameñ sadiyāñ huiiñ ḳhud se mile bhī

tumheñ ham se na milne ke gile haiñ

shikāyat bad-gumānī phir judā.ī

mohabbat hī ke ye sab marhale haiñ

tumhārī aarzū kā dasht hai aur

piyāse ham zamānoñ se khaḌe haiñ

tumhārī ruuh meñ sāñseñ hamārī

tumhāre saath ham aise juḌe haiñ

taġhāful kī ḳhizāñ chhā.ī hai ham par

qasam le lo ki ham phir bhī bure haiñ

tumhī ko TuuT kar chāheñ hamesha

mirī jaañ āsmānī faisle haiñ

bichhaḌ kar tum se phir milnā dobāra

mohabbat ke hī ye sab marhale haiñ

hamare darmiyan jo fasle hain

ye bas kuchh hi dinon ke silsile hain

hamein sadiyan huin KHud se mile bhi

tumhein hum se na milne ke gile hain

shikayat bad-gumani phir judai

mohabbat hi ke ye sab marhale hain

tumhaari aarzu ka dasht hai aur

piyase hum zamanon se khaDe hain

tumhaari ruh mein sansen hamari

tumhaare sath hum aise juDe hain

taghaful ki KHizan chhai hai hum par

qasam le lo ki hum phir bhi bure hain

tumhi ko TuT kar chahen hamesha

meri jaan aasmani faisle hain

bichhaD kar tum se phir milna dobara

mohabbat ke hi ye sab marhale hain