hamare dasht se pahle yahi Thikane the

hamāre dasht se pahle yahī Thikāne the

sharāb-ḳhāne the yā phir kitāb-ḳhāne the

vo hijr-zāde shab-e-vasl ye bhī bhuul ga.e

charāġh un ko jalāne nahīñ bujhāne the

kisī bhī darja ri.āyat nahīñ hai vahshat meñ

bichhaḌ ke us se tumheñ qahqahe lagāne the

ajiib baat hai un ke bhī naam bhuul ga.e

tumhāre shahr meñ do chaar hī divāne the

ham is liye bhī kabhī jā na paa.e sahrā se

na.e divānoñ ke bhī hausle baḌhāne the

hamare dasht se pahle yahi Thikane the

sharab-KHane the ya phir kitab-KHane the

wo hijr-zade shab-e-wasl ye bhi bhul gae

charagh un ko jalane nahin bujhane the

kisi bhi darja riayat nahin hai wahshat mein

bichhaD ke us se tumhein qahqahe lagane the

ajib baat hai un ke bhi nam bhul gae

tumhaare shahr mein do chaar hi diwane the

hum is liye bhi kabhi ja na pae sahra se

nae diwanon ke bhi hausle baDhane the