hamare dil ki baja di hai usne inT se inT

hamāre dil kī bajā dī hai us ne iiñT se iiñT

hamāre aage kabhī us kā naam mat lenā

usī nigāh se piine meñ lutf hai saarā

alāva us ke koī aur jaam mat lenā

isī sabab se hai duniyā meñ āsmāñ badnām

tum apne haath meñ ye intizām mat lenā

dil o nazar kī baqā hai faqat mohabbat meñ

dil o nazar se koī aur kaam mat lenā

yahāñ pe achchhā hai jitnā bhī muḳhtasar ho qayām

zalīl hoge hayāt-e-davām mat lenā

ye saare log tumhārā mazāq uḌāte haiñ

jahāñ meñ aur mohabbat kā naam mat lenā

rahoge chāñd kī sargoshiyoñ se bhī mahrūm

kisī se dhuup kā jaltā kalām mat lenā

agarche tum pe huā hai yahāñ pe zulm bahut

kisī se us kā magar intiqām mat lenā

hamare dil ki baja di hai us ne inT se inT

hamare aage kabhi us ka nam mat lena

usi nigah se pine mein lutf hai sara

alawa us ke koi aur jam mat lena

isi sabab se hai duniya mein aasman badnam

tum apne hath mein ye intizam mat lena

dil o nazar ki baqa hai faqat mohabbat mein

dil o nazar se koi aur kaam mat lena

yahan pe achchha hai jitna bhi muKHtasar ho qayam

zalil hoge hayat-e-dawam mat lena

ye sare log tumhaara mazaq uDate hain

jahan mein aur mohabbat ka nam mat lena

rahoge chand ki sargoshiyon se bhi mahrum

kisi se dhup ka jalta kalam mat lena

agarche tum pe hua hai yahan pe zulm bahut

kisi se us ka magar intiqam mat lena