hamare dil pe jo zaKHmon ka bab likkha hai
hamāre dil pe jo zaḳhmoñ kā baab likkhā hai
isī meñ vaqt kā saarā hisāb likkhā hai
kuchh aur kaam to ham se na ho sakā lekin
tumhāre hijr kā ik ik azaab likkhā hai
sulūk nashtaroñ jaisā na kījiye ham se
hamesha aap ko ham ne gulāb likkhā hai
tire vajūd ko mahsūs umr bhar hogā
tire laboñ pe jo ham ne javāb likkhā hai
huā fasād to is meñ nahīñ kisī kā qusūr
havā-e-shahr ne mausam ḳharāb likkhā hai
agar yaqīn nahīñ to uThā.iye tārīḳh
hamārā naam ba-sad-āb-o-tāb likkhā hai
hamare dil pe jo zaKHmon ka bab likkha hai
isi mein waqt ka sara hisab likkha hai
kuchh aur kaam to hum se na ho saka lekin
tumhaare hijr ka ek ek azab likkha hai
suluk nashtaron jaisa na kijiye hum se
hamesha aap ko hum ne gulab likkha hai
tere wajud ko mahsus umr bhar hoga
tere labon pe jo hum ne jawab likkha hai
hua fasad to is mein nahin kisi ka qusur
hawa-e-shahr ne mausam KHarab likkha hai
agar yaqin nahin to uThaiye tariKH
hamara nam ba-sad-ab-o-tab likkha hai
- Book : Zindagi (Pg. 25)
- Author : Manzar Bhopali
- Publication : Nasir Publicans, Urdu Bazar Krachi (P.K.) (1993)
- Edition : 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
