hamare gham mein hue hain wo sogwar to kya

hamāre ġham meñ hue haiñ vo sogvār to kyā

bahā.e ashk ab aa kar sar-e-mazār to kyā

adū ke dosh pe bikhrī hai zulf-e-yār to kyā

ḳhizāñ kī god meñ hai mausam-e-bahār to kyā

hazār baar zamāne pe fat.h paa.ī hai

agar huī hai mohabbat meñ ek haar to kyā

tulūa-e-mahr-e-munavvar to ruk nahīñ saktā

ruḳh-e-sahar pe hai chhāyā huā ġhubār to kyā

chalā hai le ke hameñ shauq-e-ābla-pā.ī

hamārī rāhguzar meñ bichhe haiñ ḳhaar to kyā

yahāñ to tishna-lab-o-tishna-kām haiñ 'rif.at'

uruuj par hai jo saaqī kā kārobār to kyā

hamare gham mein hue hain wo sogwar to kya

bahae ashk ab aa kar sar-e-mazar to kya

adu ke dosh pe bikhri hai zulf-e-yar to kya

KHizan ki god mein hai mausam-e-bahaar to kya

hazar bar zamane pe fath pai hai

agar hui hai mohabbat mein ek haar to kya

tulua-e-mahr-e-munawwar to ruk nahin sakta

ruKH-e-sahar pe hai chhaya hua ghubar to kya

chala hai le ke hamein shauq-e-abla-pai

hamari rahguzar mein bichhe hain KHar to kya

yahan to tishna-lab-o-tishna-kaam hain 'rifat'

uruj par hai jo saqi ka karobar to kya