hamare haal pe kis din jafa nahin karte

hamāre haal pe kis din jafā nahīñ karte

ye aur baat ki vo barmalā nahīñ karte

ye rañg-o-nūr kī duniyā nazar-navāz sahī

tire faqīr magar e'tinā nahīñ karte

zarūr koī ḳhatā ham se ho ga.ī hogī

vo be-sabab to kisī par jafā nahīñ karte

kabhī to un ko hamārā ḳhayāl aa.egā

ham is ummīd pe tark-e-vafā nahīñ karte

unhīñ se ham ko mohabbat kī daad hai matlūb

vahī jo pās-e-mohabbat zarā nahīñ karte

dar-e-habīb pe jaate haiñ bārhā 'shafqat'

dar-e-habīb pe lekin sadā nahīñ karte

hamare haal pe kis din jafa nahin karte

ye aur baat ki wo barmala nahin karte

ye rang-o-nur ki duniya nazar-nawaz sahi

tere faqir magar e'tina nahin karte

zarur koi KHata hum se ho gai hogi

wo be-sabab to kisi par jafa nahin karte

kabhi to un ko hamara KHayal aaega

hum is ummid pe tark-e-wafa nahin karte

unhin se hum ko mohabbat ki dad hai matlub

wahi jo pas-e-mohabbat zara nahin karte

dar-e-habib pe jate hain barha 'shafqat'

dar-e-habib pe lekin sada nahin karte