hamare hissa mein kuchh aise ham-safar aae

hamāre hissa meñ kuchh aise ham-safar aa.e

hameñ pata hai ki ham kaise apne ghar aa.e

ab aur kaise mohabbat kā haq adā karte

tumhārī qabr meñ ham ḳhud ko dafn kar aa.e

ġhazal kī aañkh se dekhā thā ham ne duniyā ko

har ek samt hameñ phuul hī nazar aa.e

hamāre paas jo gul-dān thā mohabbat kā

ham us meñ apne hī ḳhvāboñ kī raakh bhar aa.e

hamāre sāthī to sab kho ga.e uḌānoñ meñ

hamīñ akele palaT kar zamīn par aa.e

ye vaqt kaun se qisse sunāne baiTh gayā

nishān jitne the dil par sabhī ubhar aa.e

hamare hissa mein kuchh aise ham-safar aae

hamein pata hai ki hum kaise apne ghar aae

ab aur kaise mohabbat ka haq ada karte

tumhaari qabr mein hum KHud ko dafn kar aae

ghazal ki aankh se dekha tha hum ne duniya ko

har ek samt hamein phul hi nazar aae

hamare pas jo gul-dan tha mohabbat ka

hum us mein apne hi KHwabon ki rakh bhar aae

hamare sathi to sab kho gae uDanon mein

hamin akele palaT kar zamin par aae

ye waqt kaun se qisse sunane baiTh gaya

nishan jitne the dil par sabhi ubhar aae