hamare lahje mein behtar hai inkisari ho

hamāre lahje meñ behtar hai inkisārī ho

magar zabāñ pe jo baat aa.e sab pe bhārī ho

kisī ko Thes na pahuñche ye apnī koshish hai

magar lage jo kisī dil pe zarb kaarī ho

rah-e-hayāt meñ shāyad hī vo maqām aa.e

ki naġhma-hā-e-junūñ par sukūt taarī ho

vafā kā zikr agar aa.e us kī mahfil meñ

to baat jo bhī ho jaisī ho bas hamārī hai

tamām-umr guzārī hai us kī ḳhidmat meñ

hamāre naam kā sikka adab meñ jaarī ho

tire karam se hamesha hī ḳhush rahā 'anvar'

mire ḳhudā na kabhī lab pe āh-o-zārī ho

hamare lahje mein behtar hai inkisari ho

magar zaban pe jo baat aae sab pe bhaari ho

kisi ko Thes na pahunche ye apni koshish hai

magar lage jo kisi dil pe zarb kari ho

rah-e-hayat mein shayad hi wo maqam aae

ki naghma-ha-e-junun par sukut tari ho

wafa ka zikr agar aae us ki mahfil mein

to baat jo bhi ho jaisi ho bas hamari hai

tamam-umr guzari hai us ki KHidmat mein

hamare nam ka sikka adab mein jari ho

tere karam se hamesha hi KHush raha 'anwar'

mere KHuda na kabhi lab pe aah-o-zari ho