ہمارے رونے پہ کہہ رہے ہیں یہ کیسے موتی برس رہے ہیں

ہمارے رونے پہ کہہ رہے ہیں یہ کیسے موتی برس رہے ہیں

ہماری منڈیا رگڑ کے بولے تجھے کسوٹی پہ کس رہے ہیں

ہمارا دل لے کے کہتے ہیں وہ کہ جان تو میں نے لی نہیں ہے

یہ چوری اور اس پہ سینہ زوری ہمیں پہ الٹے برس رہے ہیں

غضب کہ جس شاخ پر وہ بیٹھیں اسی کو کاٹیں اسی کو پھونکیں

ہمارے دل میں جو بس رہے ہیں ہمارے دل کو جھلس رہے ہیں

یہ ان کے گیسو یہ ان کے کاکل یہ سر چڑھے ان کے ناگ کالے

انہیں وہ جتنا بھی کس رہے ہیں ہمیں یہ اتنا ہی ڈس رہے ہیں

کسی کی اک بیوی دو کسی کی کسی کی تین اور کسی کی ہیں چار

ہمارے پاس ایک بھی نہیں ہے یہ دیکھ کر ہم کلس رہے ہیں

مکان کی اپنے چھت ہے ٹوٹی امنڈ کے آئے ہیں کالے بادل

گرج گرج کر ڈرا رہے ہیں بغیر برسے برس رہے ہیں

شراب سی شے سے بھی تو ہم کو کراہیت ہو رہی ہے خنداںؔ

پیالے وچ نے شراب پا دوں یہ گل سانوں وہ دس رہے ہیں