hamare rone pe kah rahe hain ye kaise moti baras rahe hain

hamāre rone pe kah rahe haiñ ye kaise motī baras rahe haiñ

hamārī muñDiyā ragaḌ ke bole tujhe kasauTī pe kas rahe haiñ

hamārā dil le ke kahte haiñ vo ki jaan to maiñ ne lī nahīñ hai

ye chorī aur is pe sīna-zorī hamīñ pe ulTe baras rahe haiñ

ġhazab ki jis shāḳh par vo baiTheñ usī ko kāTeñ usī ko phūñkeñ

hamāre dil meñ jo bas rahe haiñ hamāre dil ko jhulas rahe haiñ

ye un ke gesū ye un ke kākul ye sar chaḌhe un ke naag kaale

inheñ vo jitnā bhī kas rahe haiñ hameñ ye utnā hī Das rahe haiñ

kisī kī ik biivī do kisī kī kisī kī tiin aur kisī kī haiñ chaar

hamāre paas ek bhī nahīñ hai ye dekh kar ham kilas rahe haiñ

makān kī apne chhat hai TuuTī umañD ke aa.e haiñ kaale bādal

garaj garaj kar Darā rahe haiñ baġhair barse baras rahe haiñ

sharāb sī shai se bhī to ham ko karāhiyat ho rahī hai 'ḳhandāñ'

piyāle vich ne sharāb pā duuñ yeh gall sānūñ vo das rahe haiñ

hamare rone pe kah rahe hain ye kaise moti baras rahe hain

hamari munDiya ragaD ke bole tujhe kasauTi pe kas rahe hain

hamara dil le ke kahte hain wo ki jaan to main ne li nahin hai

ye chori aur is pe sina-zori hamin pe ulTe baras rahe hain

ghazab ki jis shaKH par wo baiThen usi ko kaTen usi ko phunken

hamare dil mein jo bas rahe hain hamare dil ko jhulas rahe hain

ye un ke gesu ye un ke kakul ye sar chaDhe un ke nag kale

inhen wo jitna bhi kas rahe hain hamein ye utna hi Das rahe hain

kisi ki ek biwi do kisi ki kisi ki tin aur kisi ki hain chaar

hamare pas ek bhi nahin hai ye dekh kar hum kilas rahe hain

makan ki apne chhat hai TuTi umanD ke aae hain kale baadal

garaj garaj kar Dara rahe hain baghair barse baras rahe hain

sharab si shai se bhi to hum ko karahiyat ho rahi hai 'KHandan'

piyale wich ne sharab pa dun yeh gall sanun wo das rahe hain