hamare sher ki waqat hi kya hai

hamāre sher kī vaq.at hī kyā hai

jigar ke ḳhuun kī qīmat hī kyā

ġharīb insān kī āvāz hī kyā hai

ġharīb insān kī izzat hī kyā hai

palaT jaanā havā kā chalte chalte

nizām-e-gardish-e-qismat hī kyā hai

na ham se pursish-e-hālāt karnā

jahāñ dukh hoñ vahāñ rāhat hī kyā hai

rahegā jiine marne kā tasalsul

zamāne se use nisbat hī kyā hai

ḳhudā-e-pāk kī marzī ke aage

majāl-e-banda o himmat hī kyā hai

'malik' achchhī nahīñ taqdīr us kī

nasīb-e-ishq meñ rāhat hī kyā hai

hamare sher ki waqat hi kya hai

jigar ke KHun ki qimat hi kya

gharib insan ki aawaz hi kya hai

gharib insan ki izzat hi kya hai

palaT jaana hawa ka chalte chalte

nizam-e-gardish-e-qismat hi kya hai

na hum se pursish-e-haalat karna

jahan dukh hon wahan rahat hi kya hai

rahega jine marne ka tasalsul

zamane se use nisbat hi kya hai

KHuda-e-pak ki marzi ke aage

majal-e-banda o himmat hi kya hai

'malik' achchhi nahin taqdir us ki

nasib-e-ishq mein rahat hi kya hai