hamare waste bas wo ghaDi bhar ko Thahar jae

hamāre vāste bas vo ghaḌī bhar ko Thahar jaa.e

hameñ apnā kahe ik baar phir chāhe mukar jaa.e

ham aise log jin kā saath koī bhī nahīñ detā

kahāñ jaa.eñ kareñ kyā dard jab had se guzar jaa.e

sañbhāle haiñ na jaane kab se aañsū us ne āñkhoñ meñ

koī pal bhar gale se bhī lagā le to bikhar jaa.e

kisī din zindagī ke bhī sahī mā'nī samajh loge

mohabbat kā nasha bas aap ke sar se utar jaa.e

badaltā jā rahā hai shauq vo bhī āj-kal apne

hamāre hisse kī ab ke mohabbat bhī na mar jaa.e

hamare waste bas wo ghaDi bhar ko Thahar jae

hamein apna kahe ek bar phir chahe mukar jae

hum aise log jin ka sath koi bhi nahin deta

kahan jaen karen kya dard jab had se guzar jae

sanbhaale hain na jaane kab se aansu us ne aankhon mein

koi pal bhar gale se bhi laga le to bikhar jae

kisi din zindagi ke bhi sahi ma'ni samajh loge

mohabbat ka nasha bas aap ke sar se utar jae

badalta ja raha hai shauq wo bhi aaj-kal apne

hamare hisse ki ab ke mohabbat bhi na mar jae