hamare waste hai ek jina aur mar jaana

Tilok Chand Mahroom

hamare waste hai ek jina aur mar jaana

Tilok Chand Mahroom

MORE BY Tilok Chand Mahroom

    hamāre vāste hai ek jiinā aur mar jaanā

    ki ham ne zindagī ko jāda-e-rāh-e-safar jaanā

    yakāyak manzil-e-āfāt-e-ālam se guzar jaanā

    Dareñ kyuuñ maut se jab hai isī naam mar jaanā

    tirī nazroñ se gir jaanā tire dil se utar jaanā

    ye vo uftād hai jis se bahut achchhā hai mar jaanā

    javāb-e-abr-e-naisāñ tujh ko ham ne chashm-e-tar jaanā

    ki har ik qatra-e-ashk-e-chakīda ko guhar jaanā

    talātum aarzū meñ hai na tūfāñ justujū meñ hai

    javānī guzar jaanā hai dariyā utar jaanā

    ham apne rahzan o rahbar the lekin sāda-lauhī se

    kisī ko rāhzan samjhe kisī ko rāhbar jaanā

    maiñ aise rāh-rau justujū meñ mar miTā jis ne

    tan-e-ḳhākī ko rāh-e-ishq meñ gard-e-safar jaanā

    lab-e-bām aa.e tum aur un ke chehre ho ga.e phīke

    qamar ne tum ko ḳhurshīd aur sitāroñ ne qamar jaanā

    na bhūlegā hameñ 'mahrūm' sub.h-e-roz-e-mahshar tak

    kisī maut ke āġhosh meñ vaqt-e-sahar jaanā

    hamare waste hai ek jina aur mar jaana

    ki hum ne zindagi ko jada-e-rah-e-safar jaana

    yakayak manzil-e-afat-e-alam se guzar jaana

    Daren kyun maut se jab hai isi ka nam mar jaana

    teri nazron se gir jaana tere dil se utar jaana

    ye wo uftad hai jis se bahut achchha hai mar jaana

    jawab-e-abr-e-naisan tujh ko hum ne chashm-e-tar jaana

    ki har ek qatra-e-ashk-e-chakida ko guhar jaana

    talatum aarzu mein hai na tufan justuju mein hai

    jawani ka guzar jaana hai dariya ka utar jaana

    hum apne rahzan o rahbar the lekin sada-lauhi se

    kisi ko rahzan samjhe kisi ko rahbar jaana

    main aise rah-rau ki justuju mein mar miTa jis ne

    tan-e-KHaki ko rah-e-ishq mein gard-e-safar jaana

    lab-e-baam aae tum aur un ke chehre ho gae phike

    qamar ne tum ko KHurshid aur sitaron ne qamar jaana

    na bhulega hamein 'mahrum' subh-e-roz-e-mahshar tak

    kisi ka maut ke aaghosh mein waqt-e-sahar jaana

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites