hamare zauq par ye waqt agar aaya to kya hoga

hamāre zauq par ye vaqt agar aaya to kyā hogā

nazar meñ jazb ho kar vo nazar aaya to kyā hogā

ġham-e-hastī kā taarā auj par aaya to kyā hogā

hañsī meñ bhī koī aañsū ubhar aaya to kyā hogā

udhar taare idhar kaliyāñ haiñ masrūf-e-girāñ-ḳhvābī

agar aise meñ paiġhām-e-sahar aaya to kyā hogā

ye ḳhālī jaam rakkheñge bharam kab tak tirā saaqī

jo maiḳhāne meñ koī dīda-var aaya to kyā hogā

tumhārā ġham ġham-e-ālam kī surḳhī ban to saktā hai

koī dhabba agar tārīḳh par aaya to kyā hogā

chale to haiñ talāsh-e-āstāñ meñ ai 'shifā' ham bhī

magar apnā hī pahle sang-e-dar aayā to kyā hogā

hamare zauq par ye waqt agar aaya to kya hoga

nazar mein jazb ho kar wo nazar aaya to kya hoga

gham-e-hasti ka tara auj par aaya to kya hoga

hansi mein bhi koi aansu ubhar aaya to kya hoga

udhar tare idhar kaliyan hain masruf-e-giran-KHwabi

agar aise mein paigham-e-sahar aaya to kya hoga

ye KHali jam rakkhenge bharam kab tak tera saqi

jo maiKHane mein koi dida-war aaya to kya hoga

tumhaara gham gham-e-alam ki surKHi ban to sakta hai

koi dhabba agar tariKH par aaya to kya hoga

chale to hain talash-e-astan mein ai 'shifa' hum bhi

magar apna hi pahle sang-e-dar aaya to kya hoga