hamare zehn mein ye baat bhi nahin aai
hamāre zehn meñ ye baat bhī nahīñ aa.ī
ki terī yaad hameñ raat bhī nahīñ aa.ī
bichhaḌte vaqt jo garje vo kaise bādal the
ye kaisā hijr ki barsāt bhī nahīñ aa.ī
tujhe na pā sake ham is kā ik sabab ye hai
palaT ke gardish-e-hālāt bhī nahīñ aa.ī
huā yuuñ haath se baazī nikal ga.ī ik roz
hamāre hisse meñ phir maat bhī nahīñ aa.ī
ulajh ke rah ga.e kyā ham bhī kār-e-duniyā meñ
ki naubat-e-safar-e-zāt bhī nahīñ aa.ī
hamare zehn mein ye baat bhi nahin aai
ki teri yaad hamein raat bhi nahin aai
bichhaDte waqt jo garje wo kaise baadal the
ye kaisa hijr ki barsat bhi nahin aai
tujhe na pa sake hum is ka ek sabab ye hai
palaT ke gardish-e-haalat bhi nahin aai
hua yun hath se bazi nikal gai ek roz
hamare hisse mein phir mat bhi nahin aai
ulajh ke rah gae kya hum bhi kar-e-duniya mein
ki naubat-e-safar-e-zat bhi nahin aai
- Book : Kitab Gumrah Kar Rahi Hai (Pg. 61)
- Author :Shahram Sarmadi
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
