hamari aankh se baDh kar udas koi nahin

hamārī aañkh se baḌh kar udaas koī nahīñ

magar qabīle meñ chehra-shanās koī nahīñ

‘asā-e-mūsā zarā ek zarb siine par

ubalte chashmoñ ko rāh-e-nikās koī nahīñ

akelā maiñ hī nahīñ peḌ bhī pareshāñ haiñ

yahāñ kī āb-o-havā sab ko raas koī nahīñ

utar to jā.egī mujh meñ shu'ā' andar tak

siyāh aa.ine se in’ikās koī nahīñ

akele-pan kā jo dukh hai use miTāne ko

milūñgā aaj ḳhudā se ki paas koī nahīñ

hamari aankh se baDh kar udas koi nahin

magar qabile mein chehra-shanas koi nahin

‘asa-e-musa zara ek zarb sine par

ubalte chashmon ko rah-e-nikas koi nahin

akela main hi nahin peD bhi pareshan hain

yahan ki aab-o-hawa sab ko ras koi nahin

utar to jaegi mujh mein shu'a' andar tak

siyah aaine se in’ikas koi nahin

akele-pan ka jo dukh hai use miTane ko

milunga aaj KHuda se ki pas koi nahin