hamari haq-nawai kya

hamārī haq-navā.ī kyā

sunegī ye ḳhudā.ī kyā

kisī zill-e-ilāhī tak

mirī hogī rasā.ī kyā

falak se jab utar aa.e

safar karte ḳhalā.ī kyā

anā ke sāmne terī

hamārī kaj-adā.ī kyā

tumhārī zulf-e-pechāñ se

milegī ab rihā.ī kyā

'farāġh' us kī nigāhoñ meñ

lahū kyā raushnā.ī kyā

hamari haq-nawai kya

sunegi ye KHudai kya

kisi zill-e-ilahi tak

meri hogi rasai kya

falak se jab utar aae

safar karte KHalai kya

ana ke samne teri

hamari kaj-adai kya

tumhaari zulf-e-pechan se

milegi ab rihai kya

'faragh' us ki nigahon mein

lahu kya raushnai kya