hamari kawish-e-sher-o-suKHan be-kar jati hai
hamārī kāvish-e-sher-o-suḳhan be-kār jaatī hai
ġhazal kaisī bhī ho us ke badan se haar jaatī hai
ye kaise marhale meñ phañs gayā hai merā ghar mālik
agar chhat ko bachā bhī luuñ to phir dīvār jaatī hai
mire ḳhvāboñ kā us kī aañkh se rishta nahīñ TuuTā
mirī parchhā.īñ aksar jhiil ke is paar jaatī hai
chalo āzād ho kar kam se kam itnā to ham sīkhe
koī sarkār aatī hai koī sarkār jaatī hai
jalā kar Thiik se tāqoñ meñ in ko rakh diyā jaa.e
to phir aise charāġhoñ se havā bhī haar jaatī hai
hamari kawish-e-sher-o-suKHan be-kar jati hai
ghazal kaisi bhi ho us ke badan se haar jati hai
ye kaise marhale mein phans gaya hai mera ghar malik
agar chhat ko bacha bhi lun to phir diwar jati hai
mere KHwabon ka us ki aankh se rishta nahin TuTa
meri parchhain aksar jhil ke is par jati hai
chalo aazad ho kar kam se kam itna to hum sikhe
koi sarkar aati hai koi sarkar jati hai
jala kar Thik se taqon mein in ko rakh diya jae
to phir aise charaghon se hawa bhi haar jati hai
Source:
Muhaz Par mein (Poetry) (Pg. 17)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
