hamari KHalwaton ki dhun dar-o-diwar sunte hain

hamārī ḳhalvatoñ kī dhun dar-o-dīvār sunte haiñ

chaman ke rang-o-bū kī bandishoñ ko ḳhaar sunte haiñ

havā sargoshiyāñ kartī hai jo chiḌiyoñ ke kānoñ meñ

use uḌte hue rañgīn gul par-dār sunte haiñ

havā.eñ hādsoñ ke jo ishāre le ke aatī haiñ

unheñ ham ansunā kar deñ magar ashjār sunte haiñ

sabhī sunte haiñ ghar meñ sirf apnī-apnī dilchaspī

dhañsakte bām-o-dar kī siskiyāñ me.amār sunte haiñ

zabāñ jo dil meñ rahtī hai kabhī lab par nahīñ aatī

use koī nahīñ suntā magar fankār sunte haiñ

hamari KHalwaton ki dhun dar-o-diwar sunte hain

chaman ke rang-o-bu ki bandishon ko KHar sunte hain

hawa sargoshiyan karti hai jo chiDiyon ke kanon mein

use uDte hue rangin gul par-dar sunte hain

hawaen hadson ke jo ishaare le ke aati hain

unhen hum ansuna kar den magar ashjar sunte hain

sabhi sunte hain ghar mein sirf apni-apni dilchaspi

dhansakte baam-o-dar ki siskiyan meamar sunte hain

zaban jo dil mein rahti hai kabhi lab par nahin aati

use koi nahin sunta magar fankar sunte hain