hamari khiDki mein aa gaya hai

hamārī khiḌkī meñ aa gayā hai

ye chāñd kab se yahīñ paḌā hai

jo apnī kashtī Duubo rahā hai

ka.ī dinoñ nāḳhudā rahā hai

jise nayā sab batā rahe haiñ

tamāsha pahle kiyā gayā hai

makāñ Dhahā hai abhī ye jā kar

ka.ī baras ghar basā rahā hai

hameñ yaqīñ thā bahut kisī par

hameñ usī par shub.h huā hai

harā-bharā thā kabhī shajar ye

shajar gharoñdoñ pe aa girā hai

abhī havā.eñ bhī sar-phirī haiñ

abhī december nayā nayā hai

hameñ bhulāne kī kashmakash meñ

vo apne dil se ḳhafā rahā hai

badan jale hai kyoñ bārishoñ meñ

ye buuñd meñ kyā milā huā hai

hameñ suḳhan kī talab rahī hai

hameñ suḳhan kā nasha rahā hai

vo jis ne ham ko zamīñ nahīñ dī

hameñ falak se girā rahā hai

hamari khiDki mein aa gaya hai

ye chand kab se yahin paDa hai

jo apni kashti Dubo raha hai

kai dinon naKHuda raha hai

jise naya sab bata rahe hain

tamasha pahle kiya gaya hai

makan Dhaha hai abhi ye ja kar

kai baras ghar basa raha hai

hamein yaqin tha bahut kisi par

hamein usi par shubh hua hai

hara-bhara tha kabhi shajar ye

shajar gharondon pe aa gira hai

abhi hawaen bhi sar-phiri hain

abhi december naya naya hai

hamein bhulane ki kashmakash mein

wo apne dil se KHafa raha hai

badan jale hai kyon barishon mein

ye bund mein kya mila hua hai

hamein suKHan ki talab rahi hai

hamein suKHan ka nasha raha hai

wo jis ne hum ko zamin nahin di

hamein falak se gira raha hai