hamari mohabbat numu se nikal kar kali ban gai thi magar thi numu mein

hamārī mohabbat numū se nikal kar kalī ban ga.ī thī magar thī numū meñ

nigāhoñ se bāteñ kiye jā rahe the aTaktī jhijaktī huī guftugū meñ

na de ham ko ilzām tū ye ki ham ne tirī chaah meñ kuchh kiyā hī nahīñ hai

makāñ khod Daale zamāñ noch Daale kahāñ aa ga.e ham tirī justujū meñ

mujhe ye milā hai mujhe vo milā hai mujhe sab milā hai magar ye gila hai

maiñ kyā māñgtā thā ye kyā mil gayā hai ki sab mil gayā hai tirī aarzū meñ

kahīñ ḳhushbuoñ kī zarūrat paḌī to tumheñ soch kar saañs khīñche ga.e haiñ

na jaane kahāñ se chalī aa rahī hai ye ḳhushbū tumhārī hamāre lahū meñ

bhaTaktā phirā maiñ idhar se udhar aur udhar se idhar aur kidhar se kidhar

dhuāñ-dār mahfil na jaam o subū meñ maza jo hai vo hai faqat apnī ḳhū meñ

hamari mohabbat numu se nikal kar kali ban gai thi magar thi numu mein

nigahon se baaten kiye ja rahe the aTakti jhijakti hui guftugu mein

na de hum ko ilzam tu ye ki hum ne teri chah mein kuchh kiya hi nahin hai

makan khod Dale zaman noch Dale kahan aa gae hum teri justuju mein

mujhe ye mila hai mujhe wo mila hai mujhe sab mila hai magar ye gila hai

main kya mangta tha ye kya mil gaya hai ki sab mil gaya hai teri aarzu mein

kahin KHushbuon ki zarurat paDi to tumhein soch kar sans khinche gae hain

na jaane kahan se chali aa rahi hai ye KHushbu tumhaari hamare lahu mein

bhaTakta phira main idhar se udhar aur udhar se idhar aur kidhar se kidhar

dhuan-dar mahfil na jam o subu mein maza jo hai wo hai faqat apni KHu mein