hamari sada-dili thi tumhaari baat nahin

hamārī sāda-dilī thī tumhārī baat nahīñ

hamīñ meñ koī kamī thī tumhārī baat nahīñ

hamāre apne hī dukh the hamīñ ko ronā thā

tumhārī apnī ḳhushī thī tumhārī baat nahīñ

'azāb saare jujūn-o-ḳhirad ke mere the

tumheñ to be-ḳhabarī thī tumhārī baat nahīñ

tumhārī baat hī māneñge aur nibhā.eñge

ye baat tum ne kahī thī tumhārī baat nahīñ

bahut tavīl thī muddat firāq lamhoñ kī

kahāñ pe aa ke rukī thī tumhārī baat nahīñ

sitāre jaise falak se utar ke aa.e the

hathelī jal ke bujhī thī tumhārī baat nahīñ

vo zikr thā kisī bārish kī raat kā shāyad

nazar meñ aa ke rukī thī tumhārī baat nahīñ

hamari sada-dili thi tumhaari baat nahin

hamin mein koi kami thi tumhaari baat nahin

hamare apne hi dukh the hamin ko rona tha

tumhaari apni KHushi thi tumhaari baat nahin

'azab sare jujun-o-KHirad ke mere the

tumhein to be-KHabari thi tumhaari baat nahin

tumhaari baat hi manenge aur nibhaenge

ye baat tum ne kahi thi tumhaari baat nahin

bahut tawil thi muddat firaq lamhon ki

kahan pe aa ke ruki thi tumhaari baat nahin

sitare jaise falak se utar ke aae the

hatheli jal ke bujhi thi tumhaari baat nahin

wo zikr tha kisi barish ki raat ka shayad

nazar mein aa ke ruki thi tumhaari baat nahin