hamari subh ka aaghaz bhi misali hai

hamārī sub.h kā āġhāz bhī misālī hai

laboñ pe naam tirā chaa.e kī piyālī hai

phaTe phaTe se haiñ diide darīcha-o-dar ke

ki tāqchoñ ne havāoñ se lau lagā lī hai

vo ġhul machā ki bujhā.e ga.e saroñ ke charāġh

vo shor uThā ki ujāloñ kī pā.emālī hai

hamārā kyā hai ki ham jeb-chāk-o-ḳhāk-badan

mizāj aap kā kaisā janāb-e-‘ālī hai

hamari subh ka aaghaz bhi misali hai

labon pe nam tera chae ki piyali hai

phaTe phaTe se hain dide daricha-o-dar ke

ki taqchon ne hawaon se lau laga li hai

wo ghul macha ki bujhae gae saron ke charagh

wo shor uTha ki ujalon ki paemali hai

hamara kya hai ki hum jeb-chaak-o-KHak-badan

mizaj aap ka kaisa janab-e-‘ali hai