hamari tarz-e-shikayat kisi ko kya malum

hamārī tarz-e-shikāyat kisī ko kyā ma.alūm

tumhārā rang-e-tabī.at kisī ko kyā ma.alūm

har ek ḳhuun ke qatre meñ hai tirī tasvīr

ye intihā-e-mohabbat kisī ko kyā ma.alūm

hamāre ashk-e-nadāmat piro.e jā.eñge

banegā dāman-e-rahmat kisī ko kyā ma.alūm

jo dil bhī dete haiñ ham naam tak nahīñ lete

hamārī shān-e-muravvat kisī ko kyā ma.alūm

tajalliyoñ ne kiyā intiḳhāb-e-dil merā

mujhe milī hai jo daulat kisī ko kyā ma.alūm

ḳhudā kī yaad meñ har vaqt mahv rahtā hai

dil-e-'shamīm' kī hālat kisī ko kyā ma.alūm

hamari tarz-e-shikayat kisi ko kya malum

tumhaara rang-e-tabiat kisi ko kya malum

har ek KHun ke qatre mein hai teri taswir

ye intiha-e-mohabbat kisi ko kya malum

hamare ashk-e-nadamat piroe jaenge

banega daman-e-rahmat kisi ko kya malum

jo dil bhi dete hain hum nam tak nahin lete

hamari shan-e-murawwat kisi ko kya malum

tajalliyon ne kiya intiKHab-e-dil mera

mujhe mili hai jo daulat kisi ko kya malum

KHuda ki yaad mein har waqt mahw rahta hai

dil-e-'shamim' ki haalat kisi ko kya malum