hamari yaad unhen aa gai to kya hoga

hamārī yaad unheñ aa ga.ī to kyā hogā

ghaTā idhar kī udhar chhā ga.ī to kyā hogā

abhī to bazm meñ qaa.em hai do diloñ kā bharam

nazar nazar se jo Takrā ga.ī to kyā hogā

dhaḌak rahā hai sar-e-shām hī se dil kam-baḳht

visāl-e-yār kī sub.h aa ga.ī to kyā hogā

ye sochtā huuñ ki dil kī udaas galiyoñ se

tumhārī yaad bhī katrā ga.ī to kyā hogā

surūr aa gayā rindoñ ko dekhte hī subū

jo mai-kade pe ghaTā chhā ga.ī to kyā hogā

vo baat jis se dhuāñ uTh rahā hai siine se

vo baat lab pe agar aa ga.ī to kyā hogā

vafā kā dam na bharo dosto tum 'aslam' se

tumheñ jo vaqt pe jhuTlā ga.ī to kyā hogā

hamari yaad unhen aa gai to kya hoga

ghaTa idhar ki udhar chha gai to kya hoga

abhi to bazm mein qaem hai do dilon ka bharam

nazar nazar se jo Takra gai to kya hoga

dhaDak raha hai sar-e-sham hi se dil kam-baKHt

visal-e-yar ki subh aa gai to kya hoga

ye sochta hun ki dil ki udas galiyon se

tumhaari yaad bhi katra gai to kya hoga

surur aa gaya rindon ko dekhte hi subu

jo mai-kade pe ghaTa chha gai to kya hoga

wo baat jis se dhuan uTh raha hai sine se

wo baat lab pe agar aa gai to kya hoga

wafa ka dam na bharo dosto tum 'aslam' se

tumhein jo waqt pe jhuTla gai to kya hoga