hamd-e-KHuda-e-pak zaban par jo laen hum

hamd-e-ḳhudā-e-pāk zabāñ par jo laa.eñ ham

yā na.at-e-mustafā meñ agar lab hilā.eñ ham

shart-e-adab yahī hai ki yaaro hazār baar

mushk aur gulāb se ye dahan ko dhulā.eñ ham

jis bārgāh-e-pāk kā darbāñ hai jibra.īl

apne baḌe nasīb vo dar tak bhī jaa.eñ ham

a.amāl-e-bad hamāre bhalā kyā hamārā muñh

hai baat sharm kī vahāñ kyā muñh dikhlā.eñ ham

hai ye baḌā irāda mubārak madīne meñ

rauze ke rū-ba-rū ye qasīda sunā.eñ ham

hamd-e-KHuda-e-pak zaban par jo laen hum

ya nat-e-mustafa mein agar lab hilaen hum

shart-e-adab yahi hai ki yaro hazar bar

mushk aur gulab se ye dahan ko dhulaen hum

jis bargah-e-pak ka darban hai jibrail

apne baDe nasib wo dar tak bhi jaen hum

aamal-e-bad hamare bhala kya hamara munh

hai baat sharm ki wahan kya munh dikhlaen hum

hai ye baDa irada mubarak madine mein

rauze ke ru-ba-ru ye qasida sunaen hum