hamein apni zat se ishq hua hum apne liye betab hue

hameñ apnī zaat se ishq huā ham apne liye betāb hue

tum log parā.e hijr meñ the tum apne liye nāyāb hue

hameñ kis kī ḳhabar hameñ kis kā pata hameñ apnā husūl zarūrī thā

ma.alūm nahīñ auroñ ke liye ham ḳhvāb hue ki sarāb hue

is gaañv ke sab kachche raste kisī shahr se jā kar milte haiñ

is gaañv meñ jab sailāb aaya vo shahr bhī zer-e-āb hue

vo bahār kā manzar ab jaise mirī aañkh meñ aakar Thahar gayā

mirī soch ke sab behtar lamhe tirī yaad se mil ke gulāb hue

kyoñ aisī duā.eñ kī jaa.eñ jo qubūl bhī hoñ to pata na chale

jinheñ saiñt ke rakhā muddat tak vo gunāh bhī nazr-e-savāb hue

phir zehn meñ socheñ uThtī haiñ phir soch ko pahlū milte haiñ

tirī yaad ke mazmūñ par ab tak kitne hī savāl-o-javāb hue

hamein apni zat se ishq hua hum apne liye betab hue

tum log parae hijr mein the tum apne liye nayab hue

hamein kis ki KHabar hamein kis ka pata hamein apna husul zaruri tha

malum nahin auron ke liye hum KHwab hue ki sarab hue

is ganw ke sab kachche raste kisi shahr se ja kar milte hain

is ganw mein jab sailab aaya wo shahr bhi zer-e-ab hue

wo bahaar ka manzar ab jaise meri aankh mein aakar Thahar gaya

meri soch ke sab behtar lamhe teri yaad se mil ke gulab hue

kyon aisi duaen ki jaen jo qubul bhi hon to pata na chale

jinhen saint ke rakha muddat tak wo gunah bhi nazr-e-sawab hue

phir zehn mein sochen uThti hain phir soch ko pahlu milte hain

teri yaad ke mazmun par ab tak kitne hi sawal-o-jawab hue