hamein chhoD kidhar sidhaare piyare

hameñ chhoḌ kīdhar sidhāre piyāre

haiñ mushtāq diide tumhāre piyāre

in āñkhoñ ko bādām o nargis se nisbat

idhar Tuk to dekho hamāre piyāre

ye sarv-e-sahī aur shamshād saare

tumhāre qad uupar se vaare piyāre

ye ḳhūbān-e-hindī-o-chīn-o-chigil bhī

tasadduq ga.e tujh pe aare piyāre

tujhe TukTukī bāñdh sab tak rahe haiñ

falak tak bhī bin aañkh taare piyāre

libās-e-zar-o-gul kī hājat nahīñ hai

tujhe ai ḳhudā ke sañvāre piyāre

tirī nīchī in chitvanoñ ke Thagoñ ne

bidesī banāv hī maare piyāre

use saa.ī denā aur is ko badhā.ī

ye chhal-bal batāo to baare piyāre

paḌo puTkī aise tumhāre gunoñ par

tumheñ ham to samjhā ke haare piyāre

vo majlis kī majlis jamī aan kar phir

hue ham haiñ āḳhir kināre pyāre

haTā tifl-e-dil 'azfarī' kā tire dekh

vo bādām o aam aur chhuhāre pyāre

hamein chhoD kidhar sidhaare piyare

hain mushtaq dide tumhaare piyare

in aankhon ko baadam o nargis se nisbat

idhar Tuk to dekho hamare piyare

ye sarw-e-sahi aur shamshad sare

tumhaare qad upar se ware piyare

ye KHuban-e-hindi-o-chin-o-chigil bhi

tasadduq gae tujh pe aare piyare

tujhe TukTuki bandh sab tak rahe hain

falak tak bhi bin aankh tare piyare

libas-e-zar-o-gul ki hajat nahin hai

tujhe ai KHuda ke sanware piyare

teri nichi in chitwanon ke Thagon ne

bidesi banaw hi mare piyare

use sai dena aur is ko badhai

ye chhal-bal batao to bare piyare

paDo puTki aise tumhaare gunon par

tumhein hum to samjha ke haare piyare

wo majlis ki majlis jami aan kar phir

hue hum hain aaKHir kinare pyare

haTa tifl-e-dil 'azfari' ka tere dekh

wo baadam o aam aur chhuhaare pyare