ہمیں ہوش میں پھر سے لائی محبت

ہمیں ہوش میں پھر سے لائی محبت

حیات آفریں ہے تمہاری محبت

عبادت صداقت سے کم تو نہیں تھی

نہ پائے سمجھ آپ میری محبت

شراب محبت حقیقت بنے گا

دوانوں سی تم نے اگر کی محبت

سنوارا لڑکپن تفکر نے ایسا

سخن سے ہوئی جاودانی محبت

دیا زخم دل اتنا گہرا کسی نے

نہ پھر ہم سے اب ہو سکے گی محبت

نشاں اس کے غم کے ہوئے ثبت دل پر

رلاتی ہے اب بھی پرانی محبت

وہ کہتا ہے حاصلؔ بڑا نا سمجھ ہے

کہ پتھر دلوں پر لٹائی محبت