hamein hosh mein phir se lai mohabbat

hameñ hosh meñ phir se laa.ī mohabbat

hayāt-āfrīñ hai tumhārī mohabbat

'ibādat sadāqat se kam to nahīñ thī

na paa.e samajh aap merī mohabbat

sharāb-e-mohabbat haqīqat banegā

divānoñ sī tum ne agar kī mohabbat

sañvārā laḌakpan tafakkur ne aisā

suḳhan se huī jāvedānī mohabbat

diyā zaḳhm-e-dil itnā gahrā kisī ne

na phir ham se ab ho sakegī mohabbat

nishāñ us ke ġham ke hue sabt dil par

rulātī hai ab bhī purānī mohabbat

vo kahtā hai 'hāsil' baḌā nā-samajh hai

ki patthar diloñ par luTā.ī mohabbat

hamein hosh mein phir se lai mohabbat

hayat-afrin hai tumhaari mohabbat

'ibaadat sadaqat se kam to nahin thi

na pae samajh aap meri mohabbat

sharab-e-mohabbat haqiqat banega

diwanon si tum ne agar ki mohabbat

sanwara laDakpan tafakkur ne aisa

suKHan se hui jawedani mohabbat

diya zaKHm-e-dil itna gahra kisi ne

na phir hum se ab ho sakegi mohabbat

nishan us ke gham ke hue sabt dil par

rulati hai ab bhi purani mohabbat

wo kahta hai 'hasil' baDa na-samajh hai

ki patthar dilon par luTai mohabbat