hamein pata bhi nahin kis ki wo kahani thi

hameñ patā bhī nahīñ kis kī vo kahānī thī

vo is qadar thī na.ī ki bahut purānī thī

kabhī jo dekh liyā us ko dekhte hī rahe

vo apne aap meñ Thahrī huī ravānī thī

tumhārī yaad kā rakkhā hai canvas varna

hamāre ḳhvāb ne sūrat na.ī banānī thī

tumhāre paas to qisse kahāniyāñ haiñ bahut

kabhī jo ham ne kahī bhī nahīñ sunānī thī

ye rishte naate faqat bojh thā ki Dhone the

vafā bhī sochiye aise hī bas nibhānī thī

vahīñ pe ḳhaak se milnā thā ḳhaak honā thā

usī ke shahr meñ shohrat agar kamānī thī

vo roz roz kā marnā kamāl thā lekin

ye zindagī to mirī jaan āzmānī thī

hamein pata bhi nahin kis ki wo kahani thi

wo is qadar thi nai ki bahut purani thi

kabhi jo dekh liya us ko dekhte hi rahe

wo apne aap mein Thahri hui rawani thi

tumhaari yaad ka rakkha hai canwas warna

hamare KHwab ne surat nai banani thi

tumhaare pas to qisse kahaniyan hain bahut

kabhi jo hum ne kahi bhi nahin sunani thi

ye rishte nate faqat bojh tha ki Dhone the

wafa bhi sochiye aise hi bas nibhani thi

wahin pe KHak se milna tha KHak hona tha

usi ke shahr mein shohrat agar kamani thi

wo roz roz ka marna kamal tha lekin

ye zindagi to meri jaan aazmani thi