hamein yaad aawti hain baaten us gul-ru ki rah rah ke
hamein yaad aawti hain baaten us gul-ru ki rah rah ke
Shaikh Zahuruddin Hatim
MORE BYShaikh Zahuruddin Hatim
hameñ yaad aavtī haiñ bāteñ us gul-rū kī rah rah ke
nahīñ haiñ baaġh meñ mushtāq ham bulbul ke chah chah ke
karegā qatl kis ko dekhiye vo teġh-zan yaaro
chalā aatā hai apne haath meñ qabze ko gah gah ke
nashā aisā huā us kī nigah kā jo nahīñ thamte
hamāre ashk jaate haiñ chale chashmoñ se bah bah ke
ham us kā muskurānā yaad kar ro ro ke hañste haiñ
nahīñ mushtāq ab bāzār ke ḳhandoñ ke qah-qah ke
suḳhan meñ faḳhr apnā bin kiye rahtā nahīñ 'nājī'
use samjhā.e 'hātim' kis tarah ash.ār kah kah ke
hamein yaad aawti hain baaten us gul-ru ki rah rah ke
nahin hain bagh mein mushtaq hum bulbul ke chah chah ke
karega qatl kis ko dekhiye wo tegh-zan yaro
chala aata hai apne hath mein qabze ko gah gah ke
nasha aisa hua us ki nigah ka jo nahin thamte
hamare ashk jate hain chale chashmon se bah bah ke
hum us ka muskurana yaad kar ro ro ke hanste hain
nahin mushtaq ab bazar ke KHandon ke qah-qah ke
suKHan mein faKHr apna bin kiye rahta nahin 'naji'
use samjhae 'hatim' kis tarah ashaar kah kah ke
- Book : Diwan-e-Zadah (Pg. 330)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
