ہمیں زاہد جو کافر جانتا ہے
ہمیں زاہد جو کافر جانتا ہے
تو پھر پتھر کو تو کیوں مانتا ہے
نہ پوچھا اس نے مجھ کو کون ہے تو
ہوا ثابت کہ وہ پہچانتا ہے
نہ مجھ سے پھیر منہ کافر خدارا
ارے قرآن کیوں گردانتا ہے
کہوں کس سے کہ کیا ہے یار میرا
اسے کچھ میرا جی ہی جانتا ہے
بہت چاہا نہ بولوں یار تجھ سے
مگر ظالم یہ دل کب مانتا ہے
نہیں چھلنی ہمارا دل نہ ہوگا
ہماری بات کیوں تو چھانتا ہے
نہ دیں گے جان ہم کہنے پہ اس کے
رقیب رو سیہ کیوں تانتا ہے
بھلا کیوں کر اسے سمجھائے کوئی
وہ کافر کب کسی کی مانتا ہے
غضب ہے چھیڑنا اس فتنہ گر کو
یہ انجمؔ دل میں کیا تو ٹھانتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
