hamesha dur rah kar bhi hamesha pas hota hai

hamesha duur rah kar bhī hamesha paas hotā hai

mohabbat meñ koī ik shaḳhs kitnā ḳhaas hotā hai

kisī se dil hī dil meñ rūThnā phir ḳhud hī man jaanā

gumāñ is par ki shāyad us ko bhī ehsās hotā hai

kisī ke saath rahnā aur vo bhī ajnabī ban kar

kisī ko kyā patā kitnā baḌā ban-bās hotā hai

bikhartā jaatā hai har sū mahaktā mushk-bū lahja

ḳhudā mālūm kab tak bar-sar-e-qirtās hotā hai

sunā hai log is sahrā meñ bhī sairāb hote haiñ

vahī sahrā jo shāyad aap apnī pyaas hotā hai

ye ham hī haiñ jo aa jaate haiñ bātoñ meñ zamāne kī

zamāne bhar kī bātoñ par kise vishvās hotā hai

ye mastī hai junūn-e-ishq kī taarī hai jo mujh par

ye kis ne kah diyā har shaḳhs hī raqqās hotā hai

vo ra.anā.ī hī ra.anā.ī hai zebā us ko yaktā.ī

ki jis kā zikr misl-e-sūra-e-iḳhlās hotā hai

ye kaisī marg-āsā chup lagī hai āj-kal 'sīmā'

sunā thā dard kā lahja baḌā hassās hotā hai

hamesha dur rah kar bhi hamesha pas hota hai

mohabbat mein koi ek shaKHs kitna KHas hota hai

kisi se dil hi dil mein ruThna phir KHud hi man jaana

guman is par ki shayad us ko bhi ehsas hota hai

kisi ke sath rahna aur wo bhi ajnabi ban kar

kisi ko kya pata kitna baDa ban-bas hota hai

bikharta jata hai har su mahakta mushk-bu lahja

KHuda malum kab tak bar-sar-e-qirtas hota hai

suna hai log is sahra mein bhi sairab hote hain

wahi sahra jo shayad aap apni pyas hota hai

ye hum hi hain jo aa jate hain baaton mein zamane ki

zamane bhar ki baaton par kise wishwas hota hai

ye masti hai junun-e-ishq ki tari hai jo mujh par

ye kis ne kah diya har shaKHs hi raqqas hota hai

wo ranai hi ranai hai zeba us ko yaktai

ki jis ka zikr misl-e-sura-e-iKHlas hota hai

ye kaisi marg-asa chup lagi hai aaj-kal 'sima'

suna tha dard ka lahja baDa hassas hota hai