hamesha lab pe miThe bol rakhna
hamesha lab pe mīThe bol rakhnā
mohabbat ke darīche khol rakhnā
fasād-o-ḳhauf kī āb-o-havā hai
shahar meñ amn kā māhaul rakhnā
yahī to rāste haiñ zindagī ke
ḳhulūs-o-pyār meñ mat jhol rakhnā
mirī fitrat kā ye sheva nahīñ hai
kisī ke sāmne kashkol rakhnā
mohabbat chāñd se bhī qīmtī hai
nahīñ āsān us kā mol rakhnā
kisī ke vāste kuchh bhī kaho tum
magar alfāz pahle tol rakhnā
muḳhālif hoñ havā.eñ ġham nahīñ hai
parindoñ kī tarah par khol rakhnā
yaqīnan jiit loge khel 'sarvat'
nazar meñ zindagī kā goal rakhnā
hamesha lab pe miThe bol rakhna
mohabbat ke dariche khol rakhna
fasad-o-KHauf ki aab-o-hawa hai
shahar mein amn ka mahaul rakhna
yahi to raste hain zindagi ke
KHulus-o-pyar mein mat jhol rakhna
meri fitrat ka ye shewa nahin hai
kisi ke samne kashkol rakhna
mohabbat chand se bhi qimti hai
nahin aasan us ka mol rakhna
kisi ke waste kuchh bhi kaho tum
magar alfaz pahle tol rakhna
muKHalif hon hawaen gham nahin hai
parindon ki tarah par khol rakhna
yaqinan jit loge khel 'sarwat'
nazar mein zindagi ka goal rakhna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
