hamesha muztarib maujon ko rakkha hai samundar ne

hamesha muztarib maujoñ ko rakkhā hai samundar ne

safar kā isti.āra ban ke rahnā hai samundar ne

mirī ḳhushiyoñ ke mol us ne ḳharīdā hai nasha apnā

mire har chāñd ko ḳhud meñ Duboyā hai samundar ne

ajab tūfān-e-ġharrāñ hai bapā har fard-e-ḳhāna meñ

isī dālān se jaise guzarnā hai samundar ne

ye musht-e-ḳhāk ne pūchhā hai aksar mauj meñ aa kar

koī tūfān mujh jaisā bhī dekhā hai samundar ne

maiñ apne aap se bach kar kahīñ bhī jā nahīñ saktā

mujhe chāroñ taraf se gher rakkhā hai samundar ne

koī bāhar nikaltā hī nahīñ apne jazīre se

isī baa.is to itnā sar uThāyā hai samundar ne

kisī kā naam chhede jā rahā huuñ kis bharose par

mirā reg-e-badan jab noch lenā hai samundar ne

hamesha muztarib maujon ko rakkha hai samundar ne

safar ka istiara ban ke rahna hai samundar ne

meri KHushiyon ke mol us ne KHarida hai nasha apna

mere har chand ko KHud mein Duboya hai samundar ne

ajab tufan-e-gharran hai bapa har fard-e-KHana mein

isi dalan se jaise guzarna hai samundar ne

ye musht-e-KHak ne puchha hai aksar mauj mein aa kar

koi tufan mujh jaisa bhi dekha hai samundar ne

main apne aap se bach kar kahin bhi ja nahin sakta

mujhe chaaron taraf se gher rakkha hai samundar ne

koi bahar nikalta hi nahin apne jazire se

isi bais to itna sar uThaya hai samundar ne

kisi ka nam chhede ja raha hun kis bharose par

mera reg-e-badan jab noch lena hai samundar ne