hamesha sair-e-gul-o-lala-zar baqi hai

hamesha sair-e-gul-o-lāla-zār baaqī hai

agar baġhal meñ dil-e-dāġh-dār baaqī hai

tufail-e-rūh mirā jism-e-zār baaqī hai

havā ke dam se ye musht-e-ġhubār baaqī hai

baġhair rūh-e-ravāñ jism-e-zār baaqī hai

nikal ga.ī hai savārī ġhubār baaqī hai

bahār meñ tujhe naale sunā.ūñgā bulbul

agar ye zindagī-e-musta'ār baaqī hai

kahūñgā yaar se ik roz haath phailā ke

mujhe bhī hasrat-e-bos-o-kanār baaqī hai

jahāñ ko chashm-e-haqīqat se dekh o ġhāfil

khulī hai aañkh abhī iḳhtiyār baaqī hai

umiid hai hameñ fardā ho yā pas-fardā

zarūr ho.egī sohbat vo yaar baaqī hai

hamesha sair-e-gul-o-lala-zar baqi hai

agar baghal mein dil-e-dagh-dar baqi hai

tufail-e-ruh mera jism-e-zar baqi hai

hawa ke dam se ye musht-e-ghubar baqi hai

baghair ruh-e-rawan jism-e-zar baqi hai

nikal gai hai sawari ghubar baqi hai

bahaar mein tujhe nale sunaunga bulbul

agar ye zindagi-e-musta'ar baqi hai

kahunga yar se ek roz hath phaila ke

mujhe bhi hasrat-e-bos-o-kanar baqi hai

jahan ko chashm-e-haqiqat se dekh o ghafil

khuli hai aankh abhi iKHtiyar baqi hai

umid hai hamein farda ho ya pas-farda

zarur hoegi sohbat wo yar baqi hai