hamesha wahid-e-yakta bayan se guzra hai

hamesha vāhid-e-yaktā bayāñ se guzrā hai

ḳhudā kā zikr jab apnī zabāñ se guzrā hai

lakīr khīñch ke nūr-e-gumāñ se guzrā hai

mujhe yaqīñ hai koī āsmāñ se guzrā hai

chamaktā rahtā hai donoñ jahāñ kī manzil par

vo ek shaḳhs jo har imtihāñ se guzrā hai

bas itnā bol rahī chāragar kī ḳhāmoshī

balā kā dard dil-e-nā-tavāñ se guzrā hai

to kyā huā jo ab āñkhoñ meñ qaid hai sahrā

tire firāq meñ dariyā yahāñ se guzrā hai

usī pe sabr hai mujh ko har ek daur yahāñ

bahār aane se pahle ḳhizāñ se guzrā hai

ḳhamosh lahje meñ 'az.har' ko hāshmī ne kahā

tirā vajūd bhī ik ḳhāndāñ se guzrā hai

hamesha wahid-e-yakta bayan se guzra hai

KHuda ka zikr jab apni zaban se guzra hai

lakir khinch ke nur-e-guman se guzra hai

mujhe yaqin hai koi aasman se guzra hai

chamakta rahta hai donon jahan ki manzil par

wo ek shaKHs jo har imtihan se guzra hai

bas itna bol rahi chaaragar ki KHamoshi

bala ka dard dil-e-na-tawan se guzra hai

to kya hua jo ab aankhon mein qaid hai sahra

tere firaq mein dariya yahan se guzra hai

usi pe sabr hai mujh ko har ek daur yahan

bahaar aane se pahle KHizan se guzra hai

KHamosh lahje mein 'azhar' ko hashmi ne kaha

tera wajud bhi ek KHandan se guzra hai