hamin hain wo ki jinhen baam-o-dar se raghbat thi

hamīñ haiñ vo ki jinheñ bām-o-dar se raġhbat thī

ki dar-ba-dar bhī agar the to ghar se raġhbat thī

ham apne hāl-e-digar-gūñ kī ab ḳhabar kyā deñ

ḳhabar yahī hai ki ik be-ḳhabar se raġhbat thī

jabīñ pe ḳhāk-e-nadāmat sajā.e phirte haiñ

ki raqs-e-sho.ala-e-sarv-o-sharar se raġhbat thī

shikasta-pā hī nahīñ ham shikasta-ḳhvāb bhī haiñ

ki qāfile se fazā-e-safar se raġhbat thī

ab ek manzil-e-āḳhir ke muntazir haiñ ham

vo din bhī the ki kisī rahguzar se raġhbat thī

dhulī dhulā.ī huī zindagī ko kyā mālūm

ki ik chakor ko dāġh-e-qamar se raġhbat thī

hamin hain wo ki jinhen baam-o-dar se raghbat thi

ki dar-ba-dar bhi agar the to ghar se raghbat thi

hum apne haal-e-digar-gun ki ab KHabar kya den

KHabar yahi hai ki ek be-KHabar se raghbat thi

jabin pe KHak-e-nadamat sajae phirte hain

ki raqs-e-shoala-e-sarw-o-sharar se raghbat thi

shikasta-pa hi nahin hum shikasta-KHwab bhi hain

ki qafile se faza-e-safar se raghbat thi

ab ek manzil-e-aKHir ke muntazir hain hum

wo din bhi the ki kisi rahguzar se raghbat thi

dhuli dhulai hui zindagi ko kya malum

ki ek chakor ko dagh-e-qamar se raghbat thi