ہم راہ اس کے صبح چلے شام بھی چلے

ہم راہ اس کے صبح چلے شام بھی چلے

پر لے کے کوئی امن کا پیغام بھی چلے

اب کیا علاج درد دل بے طلب کروں

کچھ ہو تو ان سے نامہ و پیغام بھی چلے

اے دل نکال ایسی کوئی راہ عشق میں

تو بھی رہے سکوں سے مرا کام بھی چلے

گزرے نہیں ہیں صرف چمن ہی سے اے بہار

ہم دیکھتے ہوئے ترا انجام بھی چلے

دنیائے بے ثبات کی چاہت تو دیکھیے

ہر شخص چاہتا ہے مرا نام بھی چلے

ہم نے کیا ہے آج خلشؔ عزم مے کدہ

کہہ دو کہ ساتھ گردش ایام بھی چلے