hangama-e-gham se tang aa kar izhaar-e-masarrat kar baiThe
hangama-e-gham se tang aa kar izhaar-e-masarrat kar baiThe
Shakeel Badayuni
MORE BYShakeel Badayuni
hañgāma-e-ġham se tañg aa kar iz.hār-e-masarrat kar baiThe
mash.hūr thī apnī zinda-dilī dānista sharārat kar baiThe
koshish to bahut kī ham ne magar paayā na ġham-e-hastī se mafar
vīrānī-e-dil jab had se baḌhī ghabrā ke mohabbat kar baiThe
hastī ke talātum meñ pinhāñ the aish o tarab ke dhāre bhī
afsos hamī se bhuul huī ashkoñ pe qanā.at kar baiThe
zindān-e-jahāñ se ye nafrat ai hazrat-e-vā.iz kyā kahnā
allāh ke aage bas na chalā bandoñ se baġhāvat kar baiThe
gulchīñ ne to koshish kar Daalī suunī ho chaman kī har Daalī
kāñToñ ne mubārak kaam kiyā phūloñ kī hifāzat kar baiThe
har chiiz nahīñ hai markaz par ik zarra idhar ik zarra udhar
nafrat se na dekho dushman ko shāyad vo mohabbat kar baiThe
allāh to sab kī suntā hai jur.at hai 'shakīl' apnī apnī
'hālī' ne zabāñ se uf bhī na kī 'iqbāl' shikāyat kar baiThe
hangama-e-gham se tang aa kar izhaar-e-masarrat kar baiThe
mashhur thi apni zinda-dili danista shararat kar baiThe
koshish to bahut ki hum ne magar paya na gham-e-hasti se mafar
virani-e-dil jab had se baDhi ghabra ke mohabbat kar baiThe
hasti ke talatum mein pinhan the aish o tarab ke dhaare bhi
afsos hami se bhul hui ashkon pe qanaat kar baiThe
zindan-e-jahan se ye nafrat ai hazrat-e-waiz kya kahna
allah ke aage bas na chala bandon se baghawat kar baiThe
gulchin ne to koshish kar Dali suni ho chaman ki har Dali
kanTon ne mubarak kaam kiya phulon ki hifazat kar baiThe
har chiz nahin hai markaz par ek zarra idhar ek zarra udhar
nafrat se na dekho dushman ko shayad wo mohabbat kar baiThe
allah to sab ki sunta hai jurat hai 'shakil' apni apni
'haali' ne zaban se uf bhi na ki 'iqbaal' shikayat kar baiThe
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
